चार निष्पाप जीव.... चार दिवस.... चार प्रसंग......
आणि मिळाली अमाप उर्जा आणि संपूर्ण नवी दृष्टी........
सुजू भारतातून आली, काही दिवसांसाठी. जगविख्यात mural artist. अगदी सहज म्हणून घेतलेल्या तिच्या अनौपचारीक वर्कशॉप मधे ७ वर्षांचा चिकू सगळ्य़ात लहान. सुजू म्हणाली, प्रथम 'Red' या शब्दाने तुमच्या मनात काय काय येतं ते १ मिनिटात लिहायचं.
आम्ही मोठ्यांनी खूप काही लिहिलं. कुंकुं, rose, fire, danger, murder, deception, royalty, red-signal, AIDS Red Ribbon बरंच.
चिकूची सांगायची वेळ आली तेव्हा त्याचे उत्तर.... ’Red’ is a pimple on my Mom's face !
चार वर्षांचा बनी नुकताच शाळेत जायला लागलेला. घरात आला तोच पाय जोरजोरात उडवत. शक्य असतं तर तर दोन्ही पाय एकदम उडवले असते.... खूप घाई होती.... नवीन शूज दाखवायची.
मी कौतुकाने, "काय बनी, नवीन शूज.... शाळेचे का?"
हा प्रश्न बनीला मुळीच आवडला नाही. त्याने स्पष्ट सांगितलं, "शूज शाळेचे नाही, माझेच आहेत.... ते शाळेत जाताना घालायचे."
मात्र या संभाषणात मन्याला, चिकूच्या दोन वर्षांनी मोठ्या भावाला काहीच रस नव्हता, कारण त्याला वेगळाच प्रश्न पडलेला....
म्हणाला, " आमच्याकडे आत्ता फेब्रुवारी महिना आहे. तुझ्याकडे कुठला आहे ?
डिंकू स्वत:ला अतिशय हुशार आणि स्मार्ट समजतो. KG-2 मधे गेलाय तो आता. त्याच्याच वर्गातली त्याची मैत्रिण आणि तो, शाळेच्या बस मधे शेजारी-शेजारी बसतात. दोघंही खरं तर ’मराठी’. पण बंडोबा डिंकूला त्याच्या खेळण्यांइतकंच तुटकं-फुटकं english झोडायला फार आवडतं. मैत्रिण आपलं साधंसुधं मराठी बोलते.
"काय डिंकू.... कसं चाललंय.... आणि तुझी मैत्रिण कशी आहे?"
"ती चांगली नाहीये. ती खूप घाण बोलते."
"घाण म्हणजे रे?"
"ती नं सारखी f-word वापरते."
डिंकूच्या ह्या वाक्याने न्यूक्लिअर बोँब पडल्यावर हिरोशीमात नसेल, एवढी भयाण शांतता.
घाबरत घाबरत डिंकूच्या आईने विचारलं, "म्हणजे रे, काय म्हणते ती?"
"ती नं सारखी.... ’फक्त’ ’फक्त’ म्हणते."
घरी आल्या-आल्या अनावर होऊन Mark Twain चं Tom Sawyer वाचायला काढलं.
"Tom!"
No answer.
"TOM!"
No answer.
"What's gone with that boy, I wonder? You Tom !"
No answer.
